İdman sağlamlığın açarıdır. Sumqayıtda yaşayan zərif cinsin nümayəndələrinin də bu məşğuliyyətə olan marağı gündən-günə artır. Onlar şəhərimizdə açılan idman zallarından yararlana, həftə ərzində azı 2 gününü sağlamlıqlarına sərf edə bilərlər.
Sumqayıt24 şəhərimizdə qadınlar üçün fəaliyyət göstərən zalların siyahısını hazırlayıb.
Belə ki, 42-ci məhəllədə yerləşən “ZM Qadın Fitness Spa Mərkəzi” müasir və geniş görkəmə malikdir. Burada keçirilən aerobika dərslərinə görə aylıq ödəniş 40 manat, fitnes dərslərinə görə isə 70 manatdır. Mərkəzdə müalicəvi idman (onurğa sütunu xəstəlikləri) dərsləri də təşkil edilir. Aylıq (12 məşq) ödəniş 100 manatdır. İdman zalı hər gün saat 09:00-dan 21:00-dək müştərilər üçün açıqdır.
Ünvan: SDU-nun 2-ci korpusu ilə üzbəüz.
Ətraflı məlumat üçün (050) 893-78-04 nömrəsi ilə əlaqə saxlamaq mümkündür.
Daha bir gözoxşayan idman zalı “Lady gym”-dir. Burada qadınlar üçün çox rahat şərait yaradılıb. Dərslər həftədə 3 dəfə keçirildikdə ödəniş 35 manat, limitsiz gedişin ödənişi isə 50 manat təşkil edir. İdman zalı həftənin 5 günü saat 07:00-dan saat 21:00-dək, şənbə günü isə saat 07:00-dən 18:00-dək fəaliyyət göstərir. Bazar günü isə qeyri-iş günüdür.
Ünvan: Sumqayıtın Tarixi Muzeyi ile üzbəüz.
Əlaqə nömrəsi: (051) 937-31-65.
“Spartak” idman zalı ümumidir. Burada xanımlar və bəylər bir yerdə məşq edirlər. 1 aylıq abunəlik (limitsiz) 80 manat, tək gediş isə 7 manat təşkil edir.
Zalda, həmçinin Fly yoga dərsləri keçirilir. Aylıq ödəniş (12 dərs) 100 manat, 1 dərs üçün isə 15 manatdır. Bundan əlavə, xanımlar üçün aerobika qrup məşqləri təşkil edilir. Aylıq (12 dərs) ödəniş 40 manatdır. Dərslər 1 saat davam edir.
“Spartak” həftənin bütün günləri saat 23:00-dək fəaliyyət göstərir.
Ünvan: “Göyərçin abidəsi”dən aşağı.
Əlaqə telefonu: (055) 224-88-48.
Qadın sağlamlığına çox faydalı olan pilates dərsləri Dermamed Estetik Klinikada təşkil edilir. Pilates bədəndə tarazlıq, güc və elastiklik yaradır. Daimi məşqlər nəticəsində qamət düzəlir, əzələlər möhkəmlənir, qan dövranı və daxili orqanların fəaliyyəti yaxşılaşır.
12 seansın (həftədə 3 dəfə) qiyməti 70, 8 seansın (həftədə 2 dəfə) ödənişi isə 50 manat təşkil edir.
Ünvan: 30-cu məhəllə, Bazarstore-un yanı.
Ətraflı məlumat üçün (055) 229-33-00 və (018) 655-93-00 nömrələri ilə əlaqə saxlamaq mümkündür.
