Abşeron-Xızı Regional Gənclər və İdman İdarəsinin təşkilatçılığı ilə sambo idman növü üzrə Sumqayıt şəhər birinciliyi keçirilib. Bu haqda 29 yanvar tarixində Sumqayıt24 xəbər verir.
Birincilik Sumqayıt şəhər 33 saylı tam orta məktəbində 2 fevral – Gənclər Gününə həsr olunmuş sambo idman növü üzrə 2006-2007, 2008-2010-cu il təvəllüdlü oğlanlar arasında keçirilib.
Yarışda 100-dən artıq idmançı qüvvəsini sınayıb.
Qaliblər diplom və medalla təltif olunub, eyni zamanda fevral ayında keçiriləcək Ölkə birinciliyində iştirak etmək hüququ əldə ediblər.
