Abu Dossonun meneceri futbolçunun “Sumqayıt”dan ayrılmasını şərh edib. Sumqayıt24 bu haqda 14 iyun tarixində İdmanxeber.az-a istinadən xəbər verir.
Dejan Mişiç bildirib:
“Mənim üçün gözlənilən idi. Çünki klubun praktikası göstərir ki, futbolçular burada bir il qalırlar. Bu, yəqin ki, klubun fəlsəfəsidir. Biz belə nəticəyə hazır idik. Futbolçum “Sumqayıt” üçün hər şeyi etdi. Əlindən gələni meydanda göstərdi”.
O, daha sonra belə davam edib:
“Abu əsl peşəkardır. Futbolda ayrılıqlar olur. Biz heç nəyə təəccüblənmirik. Klubla danışıb razılaşmışıq. O, “Sumqayıt”ın avrokuboklara qatılmasına böyük töhfə verib. Statistika da bunu göstərir. Dosso keçirdiyi 29 oyunda 5 assist edib. Bəxti gətirsəydi, qollar da vura bilərdi. Hazırda maraq olduğu üçün Azərbaycanda qalacağı istisna edilmir. Nə olacağını birlikdə görəcəyik”.
