Sumqayıtda 15 İyun – Milli Qurtuluş Gününə həsr edilmiş cüdo üzrə şəhər çempionatı baş tutub. Bu haqda 19 iyun tarixində Sumqayıt24 Gənclər və İdman Baş İdarəsinə istinadən xəbər verir.
23 yaşa qədər kişi və qadınlar arasında təşkil olunan turnir Olimpiya İdman Kompleksində keçirilib. Yarışda 100-ə yaxın idmançı qalib adı uğrunda mübarizə aparıb. Çempionatın qalib və mükafatçıları fəxri fərman və medallarla təltif olunublar.
Tədbir Sumqayıt şəhər Gənclər və İdman Baş İdarəsi və Azərbaycan Cüdo Federasiyasının birgə təşkilatçılığı ilə həyata keçirilib.