Sumqayıtda kəmər dərəcələri (cüdo) üzrə rəsmi imtahan keçiriləcək. Sumqayıt24 bu haqda 6 iyun tarixində xəbər verir.
İmtahan Azərbaycan Cüdo Federasiyası (ACF) tərəfindən 22 iyun Cüdo Təlim Mərkəzində təşkil olunacaq. İmtahana 7 yaşdan yuxarı cüdo ilə məşğul olan hər kəs qatıla bilər. Kəmər seçimi müvafiq yaş uyğunluğuna əsasən aparılacaq.
Qeyd edək ki, kəmər imtahanı peşəkarlıq səviyyəsinin qiymətləndirilməsi və rəsmi tanınması, həmçinin gələcəkdə nüfuzlu daxili yarışlarda iştirak üçün zəruridir.
Qeydiyyat ödənişlidir və ACF-in “Judo Manager” platforması vasitəsilə həyata keçirilir. Ətraflı məlumat üçün əlaqə: (050) 467-55-04 (Əli Kərimov).
İmtahanların qiyməti:
- Ağ-sarı / sarı kəmərlər - 30 AZN;
- Narıncı / yaşıl kəmərlər - 40 AZN;
- Göy / qəhvəyi kəmərlər - 50 AZN.
