Sumqayıt və Siyəzən boksçuları arasında yoldaşlıq görüşü keçirilib. Bu haqda 26 iyun tarixində Sumqayıt24 Gənclər və İdman idarəsinə istinadən məlumat verir.
26 İyun - Silahlı Qüvvələr Günü münasibətilə Siyəzən şəhər stadionunda idman tədbiri keçirilib. Tədbirdə 70-dən çox yeniyetmə və gənc boksçu iştirak edib.
Yoldaşlıq görüşü yeniyetmə və gənclərin hərbi-vətənpərvərlik ruhunda tərbiyəsi, boks idman növünə marağın artırılması, idman yarışlarının kütləviliyinə nail olunması, sağlam həyat tərzinin təbliğ edilməsi və rayon boksçularının yarış təcrübəsinin yüksəldilməsi məqsədi daşıyıb.
