Sumqayıt cüdoçusu Böyük Dəbilqə turnirində iştirak edəcək. Bu haqda 20 oktyabr tarixində Sumqayıt24 Cüdo Federasiyasına istinadən məlumat verir.
Beynəlxalq turnir 24-26 oktyabr tarixlərində Əbu-Dabi şəhərində keçiriləcək. Milli komanda yarışda 9 çəki dərəcəsində 10 kişi və 4 qadın idmançı ilə təmsil olunacaq. Yığmanın heyətində 52 kq çəki dərəcəsində idmançımız Gültac Məmmədəliyeva da çıxış edəcək.
Üç gün davam edəcək yarışda 82 ölkədən 472 cüdoçu medallar uğrunda mübarizə aparacaq.
