“Sumqayıt” futbol klubu “International Maxwell Cup”da təmsil olunur. Sumqayıt24 bu haqda 24 iyun tarixində xəbər verir.
Beynəlxalq turnir Türkiyənin Yalova şəhərində start götürüb. Burada “Sumqayıt”ın U-11 və U-14 komandaları iştirak edir. İlk oyun günündə əvvəlcə meydana U-11 futbolçularımız çıxıblar. Elşad Eyvazovun yetirmələri “Rize Arhavi Gençlik ve Spor” komandasını 8:0, sonra isə “Hisareyn Spor”u 3:0 hesabı ilə məğlub ediblər. Zahir Əsgərzadənin rəhbərlik etdiyi U-14 komandamız da meydana çıxıb. Təmsilçilərimiz “Magfa” SK ilə 1:1 hesablı heç-heçəyə razılaşıblar.
Qeyd edək ki, “International Maxwell Cup” turnirinin qrup mərhələsinə bu gün baş tutacaq oyunlarla yekun vurulacaq. Sonuncu – üçüncü yarış günündə isə mükafatçılar müəyyənləşəcəklər.
