Sumqayıtda “Şuşa Kuboku” adlı bilik yarışına start verilib. Sumqayıt24 bu haqda Gənclər və İdman Baş İdarəsinin sosial şəbəkə hesabına istinadən xəbər verir.
Baş İdarənin və şəhər Təhsil Şöbəsinin təşkilatçılığı ilə “Xəmsə” formatında keçirilən bilik yarışında 9-11-ci sinif şagirdləri iştirak edir. Birinciliyin I və II mərhələlərinə artıq yekun vurulub. Növbəti mərhələlərin isə aprel ayında keçirilməsi nəzərdə tutulur.
Burada, ümumilikdə şəhərin 32 ümumtəhsil müəssisəsi təmsil olunur. 4 zona üzrə 8 qrupda keçiriləcək bilik yarışının I, II zona mərhələsində 28 saylı məktəbin “Kepler”, 3 saylı məktəbin “Oğuz”, 23 və 1 saylı məktəbin “Zəfər” komandaları yarımfinal mərhələsinə vəsiqə qazanıblar.
Qalib komandalar Baş İdarənin fəxri fərman və hədiyyələri ilə təltif olunublar.
