“Qəbələ”nin kapitanı “Sumqayıt”la keçiriləcək oyundan danışıb. Sumqayıt24 bu haqda 15 avqust tarixində Report.az-a istinadən xəbər verir.
Urfan Abbasov futbolçuların “kimyaçılar”la görüşə daha motivasiyalı, aqressiv çıxmaları üçün əlindən gələni edəcəyini bildirib.
O, “Növbəti turdakı rəqibiniz “Sumqayıt”ın bu həftə “Sabah”la keçirməli olduğu görüş təxirə salındı. Bu amil sizə mənfi, yoxsa müsbət təsir edəcək?” sualını da cavablandırıb:
“Çempionatda zəif komanda yoxdur. Əsas odur ki, kollektiv şəkildə matçlara yaxşı hazırlaşasan. Hələ heç nə itirilməyib, bir qələbə hər şeyi dəyişə bilər. Bütün diqqətimizi “Sumqayıt”la görüşə cəmləməliyik ki, bunun bəhrəsini görə bilək”.
Qeyd edək ki, Premyer Liqanın ilk iki turunda məğlub olan “Qəbələ” klubu avqustun 19-da “Sumqayıt”ı qəbul edəcək.
