Sumqayıtda “küçə şahmat”ı yığışdırılıb. Bu haqda 27 iyun tarixində Sumqayıt24-ə izləyicidən məlumat daxil olub.
Sakinlərin asudə vaxtlarını səmərəli keçirmələri məqsədilə vaxtilə şəhərin bir neçə istirahət guşəsində açıq havada şahmat lövhələri quraşdırılıb. Bunlar şəhərin 9-cu mikrorayonda yerləşən Heydər parkında, 34-cü məhəllə ilə 36-cı məhəllənin və 1-ci məhəllə ilə 2-ci məhəllənin arasındakı xiyabanlarda qoyulub. Çox zaman şahmat fiqurları gecələr elə parkda saxlanılırdı. Heydər parkındakı şahmat löhvəsinin fiqurları sındırılıb, qırılıb, skoçlanıb, daşları isə neçə illərdir təzələnmir. Digər iki məkanda isə fiqurlar, ümumiyyətlə, ərazidən götürülüb.
Beynəlxalq dərəcəli şahmatçıları yetişdirən Sumqayıtda zəka oyunu sakinlərin və qonaqların maraqlı istirahət vasitəsi idi. [modula id="38386"]
