Sumqayıtlı 5-qat Dünya çempionu Rafael Ağayevin “Karate Combat”dakı rəqibinin adı açıqlandı. Sumqayıt24 bu haqda turnirin rəsmi saytına istinadən xəbər verir.
Beləliklə, 37 yaşlı Ağayev Macarıstanın paytaxtı Budapeştdə, yerli idmançı, 25 yaşlı Jolt Habda ilə döyüşəcək. Onlar bu gün, 28 yanvar tarixində qarşılaşacaq.
Titullu karateçimiz görüş öncəsi mətbuat konfransında açıqlama verib. O, kiçik yaşlarından küçədə çox dalaşdığını bildirib və "Karate Combat"a keçidini bununla əlaqələndirib:
"Əlbəttə, Karate Combat" mənim üçün böyük addımdır. Artıq 30 ildir idmandayam. Kiçik yaşlarımdan küçədə çox dalaşdığımdan, döyüşməyi çox sevirəm. Gələcəkdə harada olacağam? Hələlik burdayam. Çox şanslıyam ki, "Karate Combat"dayam", - deyə Rafael Ağayev əlavə edib.
