“Sumqayıt”ın baş məşqçisi “Zirə” ilə matçdan danışıb. Sumqayıt24 bu haqda 13 aprel tarixində xəbər verir.
Xəbər verdiyimiz kimi, komandalar Premyer Liqanın 30-cu turunda qarşılaşıblar. Samir Abasov bərabərlikdə bitən oyunu belə şərh edib:
"İlk 10-12 dəqiqədə komandamda çaşqınlıq baş vermişdi. Oyuna nəzarəti ələ keçirəndən sonra bir az rahatlaşdıq. Nəzarət bizdə olsa da, təhlükəli nəsə edə bilmirdik. Amma ikinci hissədə daha ürəkli olduq, başqa futbol oynadıq. Komanda pis oyun sərgiləmədi, turnir cədvəlindəki yeri pis deyil. Bu gün düşünmürəm ki, azarkeşlərimizi üzəcək bir şey etdik. Onlar pis günümüzdə də, yaxşı günümüzdə də yanımızda olmalıdırlar".
