"Sumqayıt" klubunun baş məşqçisi "Barselona"nın prezidenti Xuan Laporta ilə bir araya gəlib. Sumqayıt24 bu haqda 26 aprel tarixində xəbər verir.
Samir Abasov "Barselona" Akademiyasının – "La Masiya"nın fiziki hazırlıq üzrə direktoru Manuel Lapuente ilə də görüşüb. Mütəxəssis gənc oyunçuların fiziki hazırlıq proqramları və onların əsas komandaya uyğunlaşması təcrübələri ilə tanış olub.
Sumqayıtlı məşqçi, həmçinin "Barselona" B komandasının çalışdırıcısı Rafael Markeslə fikir mübadiləsi aparıb. Abasov ötən gün əsas komandanın məşqini izləyib.
