“Sumqayıt”ın baş məşqçisi Azərbaycan Kubokunun püşkünü dəyərləndirib. Sumqayıt24 bu haqda 3 noyabr tarixində xəbər verir.
Təcrübəli mütəxəssis Samir Abasovun sözlərinə görə, klub çox çətin şəbəkəyə düşüb:
“Hərçənd ilk oyunumuzu II Liqa təmsilçilərinin duelinin (“Füzuli” – “Lerik” red.) qalibi ilə keçirəcəyik, ondan sonrakı potensial rəqibimiz də I Liqa təmsilçisi olacaq, amma həm 1/4 final, həm də yarımfinal perspektivində çox çətin bir yol keçəcəyimiz görünür. Finala çıxmaq üçün “Neftçi”, “Sabah”, “Qarabağ” kimi komandaları məğlub etməyimiz lazımdır. Amma kubok oyunlarının öz xüsusi ab-havası olur. Hədəfimiz maksimum dərəcədə irəliləməkdir. Çıxıb öz oyunumuzu oynayacağıq".
