“Sumqayıt” futbol klubunun baş məşqçisi “Araz-Naxçıvan”la oyundan danışıb. Sumqayıt24 bu haqda 26 avqust tarixində xəbər verir.
Samir Abasovun sözlərinə görə, matçın bəzi hissələrində rəqib üstünlüyü ələ almışdı:
“Keçənilki vəziyyəti nəzərə alsaq, bu mövsüm çempionatın üç oyununda da xal götürmək bizim üçün yaxşı haldır. Vaxtımız var, hazırlaşacağıq. Yeni gələn oyunçuların fiziki durumunun aşağı olması bizə əziyyət verir. Oyun tonusunu matç boyu saxlaya bilmirik. Amma birinci hissədə xoş olan məqamlar var idi, yaxşı hücumlar qururduq. İstəyirik ki, bunu bütün oyun edək. Alınsa, daha yaxşı komanda görəcəyimizə inanıram".
Xatırladaq ki, “Dalğa Arena” stadionunda keçirilən qarşılaşma 1-1 hesablı bərabərliklə bitib.
