“Sumqayıt”ın baş məşqçisi Tovuz səfərini şərh edib. Sumqayıt24 bu haqda 20 aprel tarixində xəbər verir.
Samir Abasov azarkeşləri təbrik etdiyini, bu qələbədə onların da payının olduğunu bildirib:
“Futbolçularımı da təbrik etmək istəyirəm. Matçdan öncə ajiotaj o yerə çatmışdı ki, bu, bizi öz oyunumuzdan çıxara bilərdi. Futbolçular sağ olsunlar. Söz-söhbətlərə adekvat cavab verdik və öz oyunumuzdan dönmədik. Rəqibin oyununu pozmağa və öz oyunumuzu oynamağa çalışdıq. Bu qalibiyyəti sürücümüz Yavər bəyə həsr edirəm. Ağır əməliyyat keçirib. Bu da onun üçün sevinc payı olsun".
Xatırladaq ki, komandalar Premyer Liqanın 31-ci turu çərçivəsində üzləşiblər. “Sumqayıt” rəqibi “Turan”ı 1:4 hesabı ilə məğlub edib.
