Yeniyetmə boksçular arasında Azərbaycan birinciliyi başa çatıb. Bu haqda 15 yanvar tarixində Sumqayıt24 Boks Federasiyasına istinadən məlumat verir.
Boks Mərkəzində təşkil olunan yarışda 74 komandanın 408 boksçusu qüvvəsini sınayıb. 7 gün davam edən turnirdə 14 çəki dərəcəsi üzrə mükafatçılar müəyyənləşib.
Turnirin komanda hesabında Sumqayıt birinci yeri tutub. İkinci yerə “Qızıl əlcək” İdman Klubu, üçünçü yerə isə Gəncə klubu layiq görülüb.
Qeyd edək ki, mükafatçılar yığmanın heyətinə cəlb olunacaq və beynəlxalq yarışlarda ölkəmizi təmsil edəcəklər.
