Cüdoçularımızın Odivelas Qran-pri turnirindəki rəqibləri müəyyənləşib. Sumqayıt24 bu haqda 26 yanvar tarixində xəbər verir.
Portuqaliyanın Odivelas şəhərində püşkatma mərasimi keçirilib. Püşkün nəticəsinə görə, Sumqayıt idmançıları Gültac Məmmədəliyeva (-52 kq) fransalı Lea Metrot, Kamran Süleymanov isə (-66 kq) yerli Aleksandr Bukurla qarşılaşacaq.
Turnir Bakı vaxtı ilə saat 11:30-da başlayacaq. Mübarizə judotv.com saytında canlı yayımlanacaq.
Qeyd edək ki, Azərbaycan millisi yarışda 9 çəki dərəsində 11 kişi və 5 qadın cüdoçu ilə təmsil olunacaq.
