Fudokan üzrə birinci açıq Sumqayıt birinciliyi və çempionatı keçiriləcək. Sumqayıt24 bu haqda AZƏRTAC-a istinadən xəbər verir.
14-15 may tarixlərində baş tutacaq yarış ümummilli lider Heydər Əliyevin anadan olmasının 99-cu ildönümünə həsr olunacaq. Burada, 400-dən çox fudokançı “Bu günün sağlam gənci, dövlətimizin gələcəyi, sabahımızın təminatçısıdır” şüarı altında mübarizə aparacaq.
Gənclər və İdman Nazirliyi, şəhər Gənclər və İdman Baş İdarəsi və Dünya Fudokan Federasiyasının ölkəmizdəki rəsmi və səlahiyyətli nümayəndəliyinin birgə təşkil etdiyi birincilik Sumqayıt Olimpiya İdman Kompleksində keçiriləcək.