“Sumqayıt”ın ev oyunlarını 51.516 azarkeş izləyib. Sumqayıt24 bu haqda 29 may tarixində xəbər verir.
Misli Premyer Liqasında 2023/2024 mövsümü yekunlaşıb. Komandamız ev oyunlarından 9-nu “Kapital Bank Arena”da, qalan 9-nu isə Mehdi Hüseynzadə adına stadionda keçirib.
Bu matçlarda ortalama 2862 azarkeş olub. Ən yüksək göstərici isə “Sumqayıt” – “Qarabağ” (32-ci tur; 9300 tamaşaçı) və “Sumqayıt” – “Qəbələ” (36-cı tur; 9300 tamaşaçı) qarşılaşmalarında qeydə alınıb. Bu da cari mövsümün rekordu olub. Ən aşağı göstərici isə “Sumqayıt” – “Kəpəz” (25-ci tur; 800 tamaşaçı) matçına təsadüf edib.
“Sumqayıt” FK azarkeşlərə təşəkkürünü çatdırıb, növbəti mövsümdə də yanlarında olmağa dəvət edib.
