“Sumqayıt” futbol klubu uğur seriyasını davam etdirib. Sumqayıt24 bu haqda 26 avqust tarixində xəbər verir.
Azərbaycan Premyer Liqasında 4-cü tura start verilib. Açılış oyunu “Dalğa Arena”da “Araz-Naxçıvan” və “Sumqayıt” arasında keçirilib. Görüşün birinci hissəsi qolsuz bitib.
Hesabı 63-cü dəqiqədə “Sumqayıt” açıb. Rövlan Muradov penaltini dəqiq yerinə yetirib. Lakin 9 dəqiqə sonra rəqib komanda bərabərliyi bərpa edib - Turan Manafov cərimə zərbəsindən qol vurub.
Səfərdə 1:1 hesablı heç-heçə edən “kimyaçılar” mövsümdə ilk dəfə xal itirib. Üç görüşdən sonra komandanın 7 xalı var.
