Futbol üzrə həvəskar komandalar arasında 25-ci Azərbaycan birinciliyi keçiriləcək. Bu haqda 26 aprel tarixində Sumqayıt24 AFFA-ya istinadən məlumat verir.
Azərbaycan Həvəskarlar Futbol Federasiyasının (AHFF) təşkilatçılığı ilə baş tutacaq birinciliyə aprelin 27-də start veriləcək. Turnirdə Sumqayıt və Bakı şəhərlərindən 5, digər bölgələrdən 3 qrup olmaqla ümumilikdə 34 komanda iştirak edəcək.
Qruplarda ilk iki yeri tutacaq kollektivlər 1/8 final mərhələsinə yüksələcəklər. Birinciliyin final oyunu iyulun 28-də keçiriləcək.
