“Sumqayıt” dördüncü sıraya enib. Sumqayıt24 bu haqda 8 aprel tarixində xəbər verir.
Azərbaycan Premyer Liqasında 19-cu tur yekunlaşıb. Klubumuz turnir cədvəlindəki “qonşusu” “Neftçi”nin qonağı olub. “Neftçi Arena”da ilk qolu rəqib futbolçu Yuri Matias öz qapılarına vurub.
73-cü dəqiqədə isə “ağ-qaralar”ın kapitanı Emin Mahmudov hesabı bərabərləşdirib. Mehdi Cənnətov yarımmüdafiəçinin penalti zərbəsini qaytarsa da, Mahmudov dönən topu ikinci cəhddən qapıdan keçirib.
Qarşılaşma 1:1 hesabı ilə də yekunlaşıb. Hazırda “Sumqayıt”ın 43 xalı var.
“Sumqayıt”ın baş məşqçisi Samir Abasov oyunla bağlı fikirlərini bölüşüb. O bildirib ki, bu gün iki tərəf də qalib gəlmək istəyirdi:
“Qələbə də qazana bilərdik, uduzmaq təhlükəsi də var idi. Hər iki komandaya uğurlar arzu edirəm. Futbolçularımı təbrik edirəm. Sona kimi yaxşı oynadılar".
