“Sumqayıt” klubunun tərcüməçisi Şahin Abdullayev cəzalandırılıb. Sumqayıt24 bu haqda 30 may tarixində xəbər verir.
AFFA İntizam Komitəsi onu 2 oyunluq diskvalifikasiya edib, klub isə 1000 manat cərimələnib. Buna Abdullayevin “Qəbələ” ilə matçın (Premyer Liqa, 36-cı tur) bərpasını ləngitdiyinə görə qırmızı vərəqə alması səbəb olub.
Bundan əlavə, həmin matçdan sonra meydana kənar şəxslər də daxil olmuşdular. Bu isə “Gənclik şəhəri” təmsilçisini daha 800 manat ziyana salıb.
Qeyd edək ki, AFFA 4 futbolçusu sarı vərəqə alan “Qəbələ”ni də 700 manat cərimələyib.
