Sumqayıtda “28 May – Müstəqillik günü”nə həsr edilmiş idman növləri üzrə yarışlar başa çatıb. Bu haqda bu gün, 30 may tarixində Sumqayıt24 xəbər verir.
Stolüstü tennis 2006-cı il və daha kiçik təvəllüdlü oğlanlar və qızlar arasında şəhər birinciliyi keçirilib. Şəxsi yarışlarda Hüseyn Eylazov və Mərziyyə Nurmətova, qoşa yarışlarda Hüseyn Eylazov, Toğrul Məhəmmədov, Mərziyyə Nurmətova və Arzu Aslanova cütlükləri, qoşa qarışıq yarışlarında isə Hüseyn Eylazov və Aylin Əsgərova birinciliyin qalibi olublar.
Boks üzrə 2008-2009-cu il təvəllüdlü oğlanlar və qızlar arasında şəhər birinciliyi keçirilib. Birincilikdə Aysun Mikayılova (52 kq), Mələk Abasova (57 kq), Ülvü Hacılı (34 kq), Rüstəm Şahbazov (36 kq), Nihad Qasımov (38 kq), İsmayıl Rzayev (40 kq), Aqşin Əlizadə (42 kq), Sübhan Babayev (44 kq), Şəmsəddin Cəfərov (46 kq), Təşkilat Quliyev (48 kq), Nurlan Abuşov (50 kq), Vüsal Xəlilov (52 kq), Elgün Sadıqov (54 kq), Vaqif Şıxalisadə (57 kq), Kənan Aslanlı (60 kq), İlkin Sultanov (63 kq), Heydər Əzməmmədov (66 kq), Yüksəl Mikayılzadə (70 kq), Ömər Quluzadə (75 kq), Vüsal Məhərrəmov (80 kq) və Rahib Təhməzov (+80 kq) qızıl medala sahib olublar.
Mini-futbol üzrə idarə, müəssisə və təşkilatlar arasında şəhər turniri baş tutub. FHN-in Sumqayıt şəhər Yanğından Mühafizə İdarəsinin komandası 1-ci, Gilan Tekstil Fabrikinin komandası 2-ci və Sumqayıt şəhər Polis İdarəsinin komandası isə 3-cü yerə layiq görülüblər.
Muay - Tay üzrə açıq birincilik keçirilib. Birincilikdə Sumqayıt idmnçıları 12 qızıl, 11 gümüş, 10 bürünc medal əldə etmişlər.
