“Sumqayıt” – “Qarabağ” qarşılaşmasına bilet satışı davam edir. Sumqayıt24 bu haqda 27 aprel tarixində xəbər verir.
Komandalar futbol üzrə Misli Premyer Liqasının 32-ci turunda qarşılaşacaq. Dünən saat 18:00-a olan məlumata görə, artıq 4300 bilet satılıb. Satışa çıxarılmış 10 AZN-lik biletlər artıq bitib. Qalan biletlərin qiymətləri 2, 3 və 5 AZN-dir.
Biletləri iTicket.az saytından, 1 saylı Sumqayıt “ASAN Xidmət” mərkəzindən və Mehdi Hüseynzadə adına stadionun kassasından almaq olar.
Xatırladaq ki, oyun 28 aprel saat 20:00-da başlayacaq.
