Qızlardan ibarət “Sumqayıt” klubu böyük hesablı qələbə qazanıb. Sumqayıt24 bu haqda 9 mart tarixində xəbər verir.
Yüksək Qızlar Liqasında 10-cu turun oyunları keçirilib. "Sumqayıt" ikinci dövrənin ilk matçında "Olimpiya"nın (Ağcabədi) qonağı olub. Komandamız rəqibinə 34 cavabsız qol vurub.
Qolların müəllifləri: Şəfəq Nəsirova (15), Aybəniz Əsgərzadə (8), Aliyə Dövlətli (2), Nübar Eminova (2), Alina Nəhmədova (2), Sevinc Babayeva, Fatmanur Şenses, Aytac Bayramlı, Rövşanə Sərdarlı və Samirə Aşırova.
Qeyd edək ki, qızlar keçirdikləri 9 qarşılaşmanın hər birini qələbə ilə başa vurublar. Onlar hazırda 27 xalla liderdirlər. Sabir Mütəllimovun yetirmələri rəqib qapılarına 135 dəfə yol tapdıqları halda, cəmi 1 qol buraxıblar.
