Veteran stolüstü tennisçilər arasında Azərbaycan çempionatı başlayıb. Sumqayıt24 bu haqda 20 aprel tarixində xəbər verir.
Yarış “Şüa” idman kompleksində təşkil olunub. Burada Sumqayıt, Bakı, Gəncə, Şəmkir, Tovuz və Gədəbəydən ümumilikdə 60-a yaxın usta idmançı mübarizə aparır.
Budəfəki turnirdə kişilər dörd, qadınlar isə bir yaş qrupunda mübarizə aparırlar. İdmançılar arasında həm şəxsi, həm də qoşa yarışlarda qalib və mükafatçılar müəyyənləşəcək.
Çempionatın finalı sabah keçiriləcək. Fərqlənən iştirakçılara Azərbaycan Stolüstü Tennis Federasiyasının mükafatları təqdim olunacaq.
