“Sumqayıt” FK-nın yeni yarımmüdafiəçisi iddialı danışıb. Bu haqda 30 iyun tarixində Sumqayıt24 Sportinfo.az-a istinadən məlumat verir.
“Gənclik şəhəri” təmsilçisi ilə 2 illik müqavilə imzalayan vinger Rövlan Muradov bildirib ki, “Sumqayıt”ın aparıcı simalarından birinə çevrilməklə vaxtilə sıralarında olduğu milliyə dəvət alacağına ümid edir:
“Məqsədim var qüvvəmi meydana qoymaq, klub rəhbərliyi və Samir Abasovun inamını doğrultmaqdır. Bu, baş verəndən sonra milli komanda üçün də şans yaranar. İlk növbədə öz oyunumla “Sumqayıt”a fayda verməliyəm ki, sonra başqa amillər haqda düşünüm”.
