“Sumqayıt” - “Neftçi” oyununun biletləri satışa çıxarılacaq. Sumqayıt24 bu haqda 27 yanvar tarixində xəbər verir.
Bu, Mehdi Hüseynzadə adına Stadionda təmirdən sonra ilk matç olacaq. Biletlər gələn həftədən www.iticket.az saytında, 1 saylı “ASAN xidmət” Mərkəzində, oyuna 3 gün qalmış isə stadionun yaxınlığındakı kassada satılacaq.
“Sumqayıt” futbol klubu azarkeşlərinə səslənib:
“Fevral ayının 4-də saat 14:00-da baş tutacaq Misli Premyer Liqasının 21-ci turunun "Neftçi" ilə oyununda azarkeşlərimizi şəhərimizin rəmzlərindən biri olan doğma stadionumuzda qarşılayacağıq.
Hər birinizi möhtəşəm konsert proqramının da keçiriləcəyi açılış matçında və ondan sonrakı bütün ev oyunlarımızda yanımızda olmağa səsləyirik”.
