Sumqayıtda veteran futbolçu Telman Salahovun 85 illik yubileyinə həsr edilmiş mini-futbol turnirinin qalib komandaları müəyyən olub. Bu haqda Gənclər və İdman Baş İdarəsinin Facebook səhifəsinə istinadən xəbər veririk.
Yarış "Kapital Bank Arena” stadionunda, 8-9 yaşlı futbolçular arasında keçirilmişdir. Gərgin keçən mübarizədə 1-ci yeri Uşaq-Gənclər İdman-Şahmat məktəbinin komandası, 2-ci yeri "Uğur” klubunun komandası, 3-cü yeri isə "Sumqayıt” klubunun komandası tutub.
Qalib və mükafatçılar Baş İdarə tərəfindən medal, fəxri fərman, kubok və hədiyyələrlə təltif olunublar.
Qeyd edək ki, Telman Salahov “Tərəqqi” medalçısı və “Azərbaycan Respublikasının Əməkdar məşqçisi”dir.
