Sumqayıtda “26 fevral – Xocalı soyqırımı günü”nə həsr edilmiş güllə atıcılığı və voleybol üzrə şəhər birincilikləri keçirilib. Yarışlar Gənclər və İdman Baş İdarəsi tərəfindən təşkil edilib.
Pnevmatik silahdan güllə atıcılığı üzrə birincilik Paralimpiya İdman Kompleksində, voleybol üzrə yarış isə 25 nömrəli məktəbin idman zalında keçirilib.
Güllə atıcılığı üzrə Sumqayıt Peşə Təhsil Mərkəzinin komandası 54 xalla 1-ci, Sənaye və Yüksək Texnologiyalar üzrə Sumqayıt Dövlət Peşə Təhsil Mərkəzinin birinci komandası 49 xalla 2-ci, ikinci komandası isə 34 xalla 3-cü yerləri tutublar.
Voleybol üzrə mübarizədə isə Sumqayıt Gənclərin İnkişaf və Karyera Mərkəzinin komandası qızıl, Gənclər Evinin komandası gümüş, Sumqayıt Könüllülər Cəmiyyətinin komandası isə bürünc medala layiq görülüblər.
Qalib və mükafatçılar baş idarənin Fəxri fərman, medal və hədiyyələri ilə təltif olunublar.
