Sumqayıtda kişi qətlə yetirilib. Bu haqda 9 avqust tarixində Sumqayıt24 Report.az-a istinadən məlumat verir.
Corat sakini, 36 yaşlı Ağahüseyn İmanovun öldürülməsi barədə Sumqayıt Şəhər Prokurorluğuna məlumat daxil olub.
Araşdırma zamanı 34 yaşlı Əfsanə Məmmədovanın yaşadıqları evdə bıçaqla əri Ağahüseyn İmanova xəsarətlər yetirərək onu qəsdən öldürməsinə əsaslı şübhələr müəyyən edilib.
Fakta bağlı Cinayət Məcəlləsinin “qəsdən adam öldürmə” maddəsi ilə cinayət işi başlanılıb.
Əfsanə Məmmədova hadisədən sonra könüllü təslim olub.
İbtidai istintaq davam etdirilir.
