Əri tərəfindən bıçaqlanan qadın əməliyyat olunub. Sumqayıt24 bu haqda 19 oktyabr tarixində Apa.az-a istinadən xəbər verir.
14-cü məhəllədə ailə münaqişəsi zamanı kəsilmiş-deşilmiş yaralar alan 39 yaşlı Elvira Məmmədova 09:10 radələrində Təcili Tibbi Yardım Xəstəxanasına çatdırılıb. Vurulan zərbələrdən ikisi döş və qarın boşluğuna nüfuz edib. Əməliyyatdan sonra o, Reanimasiya şöbəsinə yerləşdirilib, vəziyyəti ağırdır.
E. Məmmədovanın həyat yoldaşı, 36 yaşlı Mehman Rüstəmov da aldığı xəsarət səbəbindən tibb müəssisəsinə gətirilib. Ona xaya kisəsinin cırılması diaqnozu qoyulub və əməliyyat olunub. Cərrahiyyə şöbəsində Mehmanın müalicəsi davam etdirilir, vəziyyəti qənaətbəxşdir.
