Sumqayıtda arvadını öldürən şəxs barəsində cinayət işinin istintaqı tamamlanıb. Bu haqda 4 oktyabr tarixində Sumqayıt24 Baş Prokurorluğa istinadən məlumat verir.
Xəbər verdiyimiz kimi, hadisə iyunun 26-sı Beton zavod ərazisində baş verib. İstintaqla 30 yaşlı Balafər Muradovun yaşadığı evdə arvadı Leyla Muradovanı aralarında yaranmış mübahisə zamanı bıçaqla çoxsaylı xəsarətlər yetirərək qəsdən öldürməsinə əsaslı şübhələr müəyyən edilib.
Balafər Muradova Cinayət Məcəlləsinin “xüsusi amansızlıqla qəsdən adam öldürmə” maddəsi ilə yekun ittiham elan edilərək barəsində həbs qətimkan tədbiri seçilib. Cinayət işi baxılması üçün Sumqayıt Ağır Cinayətlər Məhkəməsinə göndərilib.
