Sumqayıt Apellyasiya Məhkəməsində atasını öldürən Pərvin Nemətovun apellyasiya şikayəti üzrə məhkəməsi başa çatıb. Sumqayıt24 bu haqda 28 sentyabr tarixində Pravda.az-a istinadən xəbər verir.
Hakim Rəşadət Ağayevin sədrliyi ilə keçirilən prosesdə qərar elan olunub. Qərara əsasən, şikayət təmin edilməyib.
Sumqayıt Ağır Cinayətlər Məhkəməsinin hökmü ilə o, 10 il 6 ay müddətinə azadlıqdan məhrum edilib.
Hadisə 14 may 2022-ci ildə Xaçmaz rayonunun Niyazoba kəndində qeydə alınıb. Fərdi yaşayış evində 1987-ci il təvəllüdlü Pərvin Nemətov süfrə başında ailəvi nahar edərkən münaqişə zəminində atası Hacıkərim Nemətovu bıçaqlayaraq öldürüb. Səbəb isə atasının təqsirləndirilən şəxsi danlaması, ona və ailə üzvlərinə qarşı kobud rəftar etməsi olub.
Faktla bağlı Xaçmaz Rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi açılıb.
