İrandan narkotik maddələr gətirən Sumqayıt sakini saxlanılıb. Bu haqda 25 sentyabr tarixində Sumqayıt24 DİN-in Mətbuat Xidmətinə istinadən xəbər verir.
Qazax RPŞ-nin əməkdaşları əməliyyat-axtarış tədbirləri keçiriblər. Nəticədə İrandan qeyri-qanuni yolla Qazax rayon ərazisinə gətirilmiş narkotik vasitəni onlayn sifariş kimi qəbul edərək ölkə ərazisində çatdırılmasını təmin edən narkokuryer, Sumqayıt şəhər sakini Cəlal Əzizov saxlanılıb.
O, rayon ərazisində gizlədilən narkotik vasitəni nağd pul və bir miqdar narkotik vasitə qarşılığında ölkənin digər şəhər və rayonlarına aparmağa razılaşıb.
C. Əzizov Polis Şöbəsinə gətirilən zaman əlindəki qara rəngli çantadan 1 kq 11 qram heroin, 855 qram qurudulmuş marixuana, 15 ədəd metadon həbi aşkar olunaraq götürülüb.
Faktla bağlı araşdırma aparılır. [modula id="42763"]
