Novxanı çimərliyində motosiklet qaçırılıb. Bu haqda 1 avqust tarixində Sumqayıt24 Daxili İşlər Nazirliyinin (DİN) mətbuat xidmətinə istinadən məlumat verir.
İyulun 30-da saat 23:00 radələrində Bakı şəhər sakini R.Həsənova məxsus “Nama” markalı motosikletin qaçırılması barədə polisə məlumat daxil olub.
Polis əməkdaşları keçirdikləri əməliyyat-axtarış tədbirləri nəticəsində Lənkəran rayon sakini, əvvəllər məhkum olunmuş Anar Həsənovu saxlayıblar. O, nəqliyyat vasitəsini qaçırmaqda şübhəli bilinir.
Faktla bağlı araşdırma aparılır.
