Sumqayıtda fəaliyyət göstərən marşrut avtobuslarında cibgirlik hadisələri törədilib. Bu haqda 28 sentyabr tarixində Sumqayıt24 Daxili İşlər Nazirliyinə (DİN) istinadən məlumat verir.
Hadisə H.Z.Tağıyev və Kimyaçılar qəsəbələri ərazilərində qeydə alınıb. Marşrut avtobuslarında üç nəfərin içərisində pulu, bank kartları və sənədləri olan pulqabıları oğurlanıb.
Polis əməkdaşları tərəfindən oğurluqda şübhəli bilinən Sumqayıt şəhər sakinləri, əvvəllər məhkum olunmuş R.Tağıyev və A.Məmmədov müəyyən olunaraq saxlanılıblar.
