Sumqayıtda tanışını öldürən Xalid Əmənovun məhkəmə prosesi yekunlaşıb. Sumqayıt24 bu haqda 5 oktyabr tarixində Apa.az-a istinadən xəbər verir.
Sumqayıt Ağır Cinayətlər Məhkəməsində hakim Fəhmin Hümbətovun sədrliyi ilə keçirilən prosesdə hökm elan edilib. Nəticədə kişi 10 il müddətinə azadlıqdan məhrum edilib.
Prokurorluğa mayın 12-də 1997-ci il təvəllüdlü Ayşən Bayramovanın 4 gün öncə 17-ci mikrorayonda kirayə yaşadığı mənzildə öldürüldüyü bildirilib.
Aparılan araşdırmalarla zərərçəkmişin tanışı, 1994-cü il təvəllüdlü Xalid Əmənovun mübahisə zamanı Ayşən Bayramovanı boğaraq qəsdən öldürməsinə əsaslı şübhələr müəyyən edilib.
Sumqayıt Şəhər Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb. Xalid Əmənov şübhəli şəxs qismində tutularaq istintaqa cəlb olunub.
