Sumqayıtda qardaşları bıçaqlamaqda təqsirləndirilən Yadigar İsgəndərova hökm oxunub. Bu haqda 7 sentyabr tarixində Sumqayıt24 Pravda.az-a istinadən məlumat verir.
Hakim Aynur Rzayevanın sədrliyi ilə keçirilən işə Sumqayıt Ağır Cinayətlər Məhkəməsində baxılıb. Hökmə əsasən, Y. İsgəndərov 9 il müddətinə azadlıqdan məhrumetmə cəzasına məhkum edilib.
Qeyd edək ki, hadisə ötən ilin yanvar ayında qeydə alınıb. Aralarında yaranan mübahisə zamanı 33 yaşlı Yadigar İsgəndərov 36 yaşlı Turala və onun qardaşı, 38 yaşlı Xəyala bıçaqla xəsarət yetirib.
