Sumqayıtda qətlə yetirilən 36 yaşlı kişi barədə bəzi təfərrüatlar bəlli olub. Bu haqda 9 avqust tarixində Sumqayıt24 Report.az-a istinadən məlumat verir.
Bıçaqlanaraq öldürülən Ağahüseyn İmanov həyat yoldaşı Əfsanə Məmmədova ilə 3 ay əvvəl ailə həyatı qurub.
Mərhumun qonşularının sözlərinə görə, A.İmanov əvvəllər məhkumluq həyatı yaşayıb.
Onlar bildiriblər ki, cütlük ailə həyatı qurandan bu günə qədər aralarında hər hansı söz-söhbət olmayıb: “O, evin tək uşağı olub. Valideynlərini erkən yaşda itirib. Ailə qurduqdan sonra Sumqayıtda restoranların birində kababçı kimi işləyirdi”.
Daha öncə törədilən qətl hadisəsi barədə məlumat vermişdik.
