Sumqayıtda avtomobildən narkotik tapılıb. Sumqayıt24 bu haqda 15 iyul tarixində Daxili İşlər Nazirliyinə (DİN) istinadən xəbər verir.
Hadisə iyulun 14-də gecə saatlarında baş verib. “Honda” markalı avtomobil manevr qaydasını pozduğuna görə yol polisi tərəfindən saxlanılıb. Sürücü və sərnişinin özlərini şübhəli aparmaları, həmçinin salondakı qara sellofan paket polis əməkdaşlarının diqqətini çəkib.
Avtomobilə baxış zamanı orada 4 kiloqram 730 qram marixuana aşkarlanıb. Araşdırma aparılır.
