Sumqayıtda dələduzluqda təqsirləndirilən Rüfət Əkbərova (şərti) hökm oxunub. Bu haqda 19 oktyabr tarixində Sumqayıt24 Pravda.az-a istinadən məlumat verir.
Sumqayıt Şəhər Məhkəməsinin hökmü ilə o, 4 il müddətinə azadlıqdan məhrum edilib. Təqsirləndirilən şəxs cəzasını ümumi rejimli cəzaçəkmə müəssisəsində çəkəcək.
İttihama görə, R. Əkbərov “Cavid” ticarət mərkəzində qızıl satışı ilə məşğul olan zərərçəkmiş Nailə Əliyevadan (şərti) əvvəllər bir neçə dəfə nisyə qızıl-zinət əşyaları götürüb satmaq və pulunu qaytarmaqla etibarını qazanıb.
Daha sonra Rüfət həmin qadından ümumilikdə 45.539 manatlıq qızılı nisyə götürüb, lakin bu dəfə qızılların pulunu sahibinə qaytarmayıb.
O, qızıl alverçisi olan digər zərərçəkmiş G.Ağayevaya da eyni üsulla 34.960 manat ziyan vurub. Daha sonra Rüfət Əkbərov verdiyi vədə əməl etmədiyi üçün zərərçəkmişlər hüquq-mühafizə orqanlarına müraciət ediblər.
Məhkəmədə Rüfət Əkbərov ona elan edilmiş ittihamda özünü təqsirli bilməyərək və iddia ərizələrini qəbul etməyərək ifadəsində göstərib ki, qızıl-zinət əşyalarının alqı-satqısı ilə məşğul olub.
