Sumqayıtda qonşusunu öldürməyə cəhddə təqsirli bilinən Elməddin Əsədov məhkəməyə apellyasiya şikayəti verib. Bu haqda 12 oktyabr tarixində Sumqayıt24 Olke.az-a istinadən məlumat verir.
Şikayətə Sumqayıt Apellyasiya Məhkəməsində baxılacaq. Hakim Azər İsmayılovun sədrliyi ilə keçiriləcək baxış iclası oktyabrın 17-nə təyin olunub.
Qeyd edək ki, 40 yaşlı Elməddin Əsədov münaqişə zəminində qonşusu Seymur Həsənova bıçaqla xəsarət yetirib. Zərərçəkmiş xəstəxanaya yerləşdirilib və onun həyatını xilas etmək mümkün olub.
Cinayət hadisəsi Seymurun Elməddindən götürdüyü 30 manat borc pulu vaxtında qaytarmamasına görə baş verib.
Məhkəmənin hökmü ilə o, 10 il müddətinə azadlıqdan məhrumetmə cəzasına məhkum edilib.
