Sumqayıtda qardaşının arvadını öldürən Taleh Qurbanovun məhkəməsi başlayıb. Sumqayıt24 bu barədə 5 oktyabr tarixində Apa.az-a istinadən xəbər verir.
Sumqayıt Ağır Cinayətlər Məhkəməsində hakim Hafis Əliyevin sədrliyi ilə keçirilən prosesdə ittiham aktı oxunub. Təqsirləndirilən T. Qurbanov özünü təqsirli bilib.
Proses oktyabrın 25-də davam etdiriləcək.
Qeyd edək ki, qətlə yetirilən Ləman Qurbanova Vətən müharibəsi şəhidi kapitan Saleh Qurbanovun həyat yoldaşıdır. Taleh Qurbanov isə şəhidin qardaşıdır.
Hadisə mayın 13-də Xızı rayonunun Giləzi qəsəbəsindəki fərdi yaşayış evində baş verib. Prokurorluğa 1999-cu il təvəllüdlü Ləman Qurbanovanın ölümü ilə bağlı məlumat daxil olub. Araşdırmalarla qadını 1984-cü il təvəllüdlü Taleh Qurbanovun boğaraq qəsdən öldürməsinə əsaslı şübhələr müəyyən edilib.
Faktla bağlı Xızı rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb. Şübhəli qismində saxlanılan Taleh Qurbanov hadisədən sonra könüllü olaraq istintaqa təslim olub.
Qətlə yetirilən qadının 1 övladı olub.
