Sumqayıtda Vətən müharibəsi şəhidi Rahib Babayevin mənzilinə basqın olunub. Sumqayıt24 bu haqda 22 avqust tarixində xəbər verir.
Bununla bağlı şəhidin həyat yoldaşı Aygün Babayeva öz Facebook hesabında paylaşım edib. O bildirib ki, naməlum şəxs və ya şəxslər xüsusi alət vasitəsilə barmaqlığı kəsib, pəncərədən mənzilə daxil olublar.
“Dünən axşam reşotkanı kəsib evimizə giriblər. Hər yeri qarışdırıblar. Bilmirəm, nə məqsədlə edilib. Bezdik daha, evimizin içinə kimi əlləri girir. Polisə vermişəm, ümid edirəm ki, tez bir zamanda tapılar. Evə çatana qədər deyirdim, nə aparırlar aparsınlar, bircə Rahibin əşyalarına - medallarına, ordeninə dəyməsinlər”, - paylaşımda yazılıb.
Qeyd edək ki, “Canavar postu”nun fatehi Rahib Babayev bir sıra medal və ordenlərlə təltif edilib.
