Sumqayıt sakinləri Yasamal rayonunda soyğunçuluq ediblər. Sumqayıt24 bu haqda 19 dekabr tarixində Daxili İşlər Nazirliyinə (DİN) istinadən xəbər verir.
Paytaxt sakini Yasamal RPİ-nin 29-cu Polis Şöbəsinə bildirib ki, tanımadığı iki nəfər onun 200 manat dəyərindəki telefonunu soyğunçuluq yolu ilə əlindən alıblar. Əməliyyat nəticəsində hadisəni törətməkdə şübhəli bilinən əvvəllər məhkum olunmuş 22 yaşlı Vüqar Məmmədov və 31 yaşlı Ceyhun Bəylərov saxlanılıblar. Onların hərəkətləri kameralar vasitəsilə lentə alınıb.
Toplanan materiallar RPİ-nin İstintaq Şöbəsinə göndərilib. Araşdırma aparılır.
Saxlanılan şəxslərin qanunsuz əməllərindən zərər çəkən başqa vətəndaşlar varsa, polis orqanlarına müraciət edə bilərlər.
