Sumqayıtda başlayan dava Abşeronda bitib. Sumqayıt24 bu haqda 30 sentyabr tarixində xəbər verir.
Hadisə Saray qəsəbəsində baş verib. Prokurorluğa 36 yaşlı Mürvət Əliyev və 34 yaşlı Seymur Hüseynovun kəsilmiş-deşilmiş xəsarətlərlə xəstəxanaya yerləşdirilməsi, 45 yaşlı Rəşad Əbilovun isə ölməsi barədə məlumat daxil olub.
Araşdırmalarla mübahisə zamanı həmin şəxslərin bir-birini bıçaqlaması və Rəşad Əbilovun aldığı xəsarətlərdən ölməsinə əsaslı şübhələr müəyyən edilib.
Faktla bağlı Abşeron rayon prokurorluğunda Cinayət Məcəlləsinin 120.1 (qəsdən adam öldürmə) və 221.3-cü (silah qismində istifadə olunan əşyalardan istifadə etməklə xuliqanlıq) maddələri ilə cinayət işi başlanıb.
